Мектептік іс-шаралар - №205 жалпы білім беретін мектебі

Ардагерлердің өмір жолы – жас ұрпаққа тағылым»

admin — Tue, 21 Oct 2025 12:42:39 +0600

🎖️ «Ардагерлердің өмір жолы – жас ұрпаққа тағылым»
Бүгін мектебімізде елге еңбегі сіңген ардагерлермен әсерлі кездесу өтті.
Ардагерлер өздерінің өмір жолы мен елге жасаған қызметтері туралы әңгімелеп, жас ұрпаққа өнегелі кеңестерін айтты.

🕊️ Мұндай кездесулер оқушылардың бойында отансүйгіштік, еңбекқорлық және үлкенге құрмет сезімдерін қалыптастырады.

#АрдагерлерТағылымы #АдалАзамат #ТәрбиеСағаты #ПатриоттықТәрбие #ОШ205

“Адал азамат" “Біртұтас тәрбие бағдарламасы” аясында сынып сағатының тақырыбы "Отанды сүю- отбасынан басталады "

admin — Mon, 13 Oct 2025 21:02:33 +0600

Отбасы — сыйластық , жарастық орнаған орта, кішкентай Отан.
«Отан – отбасынан басталады» дегендей отанды сүю- отбасынан басталатыны рас!
Себебі, отбасы – бала тәрбиесінің ең алғашқы ұжымы.Адамның жеке басының қалыптасуы отбасынан басталады.Оның ер жетіп өсуі, бойындағы алғашқы адамгершілік белгілер отбасында қалыптасады, сондықтан да туған үйдің жылуы – оның көкірегінде көп жылдар бойы сақталып, мәңгі есінде жүреді.
Отбасы – табиғат сыйлаған кереметтердің бірі. Жеке адамның бойындағы ар-ұятын , ақыл-ойын ,адамгершілігін , мәдениеттілігін тәрбиелеуде отбасы – алғашқы қадам.Отбасы – өте қажетті, басқадай еш нәрсемен өзгертуге болмайтын баспалдақ.
Отбасында адам бойындағы асыл қасиеттер жарқырай көрініп, қалыптасады. Отанға деген ыстық сезім – жақындарына, туған-туысқандарына деген сүйіспеншіліктен басталады. Сол себепті де біз отбасын Отанның кішкентай бір бөлшегі ретінде қарастырамыз.
«Өз үйім өлең төсегім» деген қазақ даналығында айтылғандай өз отбасың, өз үйің әрқашан жылу тартып, жанға жақын болады. Сол себепті де әр адам өз отбасын сыйлап, құрметтей білуі шарт.Себебі қазіргі кезде көп жастар шет елдерде оқып, сол елдерде қалып қояды.
Бұдан Отанға деген ешқандай ізгі ниетті байқамаймыз, сондықтан да отбасын қалай қадірлейміз, дәл солай Отанды да қадірлеп, қолдан келгенше аялауымыз керек!
Не болса да Отанның бір бөлшегі – отбасыңа ештеңе де жетпейді! Өйткені отбасы – табиғаттың әр адамға сыйлаған керемет бір сыйы! Соны мәңгі есте сақтап, ұмытпаған жөн!

"Бастауыш сынып оқушыларының Таңғы жаттығуы"

admin — Wed, 08 Oct 2025 20:10:44 +0600

Бастауыш сынып оқушылары сабақ басталар алдында күн сайын қысқаша сергіту және дене жаттығуларын орындайды. Жаттығулардың мақсаты – оқушылардың бойын сергіту, қан айналымын жақсарту, сабаққа деген қызығушылықтары мен белсенділіктерін арттыру.
Жаттығулар түріне жалпы дамыту қимылдары, тыныс алу жаттығулары, көзге арналған жаттығулар және көңіл күйді көтеретін қимылды ойындар кіреді.Оқушылар бұл жаттығуларды дене шынықтыру ұстаздарының басшылығымен сынып бөлмесінде немесе таза ауада орындайды. Күнделікті осындай сергіту сәттері балалардың денсаулығын нығайтып, оқу процесінің тиімділігін арттыруға ықпал етеді.

Қазіргі заман – цифрлы сауаттылық заманы!

admin — Mon, 06 Oct 2025 18:46:20 +0600

*Қазіргі заман – цифрлы сауаттылық заманы!*
Сабақта жасанды интеллект пен түрлі цифрлық қосымшаларды қолдану – білім сапасын арттырудың тиімді жолы.
Интерактивті әдістер мен заманауи технологиялар оқушылардың қызығушылығын оятып, белсенді қатысуына жағдай жасайды.
Біздің мақсат – цифрлы құралдарды дұрыс пайдалана отырып, оқу үдерісін оңтайландыру және оқушының функционалдық сауаттылығын дамыту.

“Абайлаңыз балақай” акциясы аясында бастауыш сынып оқушыларына жолда жүру ережесі туралы түсіндірме жұмыстары

admin — Mon, 06 Oct 2025 18:43:04 +0600

“Абайлаңыз балақай” акциясы аясында бастауыш сынып оқушыларына жол ережесі туралы түсіндірме жұмыстары жүргізілді. Оқушыларға жол белгілері, жаяу жүргіншілер өткелі, бағдаршамның түстері мен маңызы туралы толық мағлұмат берілді. Сонымен қатар, күнделікті мектепке келу және қайту кезінде сақталуы тиіс қауіпсіздік ережелері айтылып, түрлі жағдаяттар бойынша мысалдар келтірілді.

Оқушылар белсенді қатысып, өздерінің көше қиылысында немесе жол бойында кездесетін жағдайлармен бөлісті. Тақырыпты бекіту мақсатында көрнекі бейнероликтер көрсетіліп, интерактивті сұрақ-жауап жүргізілді. Бұл түсіндірме жұмысы оқушылардың жолда жүру мәдениетін арттырып, қауіпсіздікке деген жауапкершілігін нығайтуға септігін тигізді.

"Таза Қазақстан" экологиялық фистивалінің аясында 205 ЖББМ бастауыш сынып ата-аналарының сенбілік жұмыстары.

admin — Mon, 06 Oct 2025 18:24:40 +0600

"Таза Қазақстан" экологиялық
фистивалінің аясында мектебімізде сенбілік
жұмыстары жүргізілді. Бастауыш сынып ата-
аналары да сенбілікке өз үлестерін қосты. Сенбілік
барысында бастауыш сынып ата-аналары сынып
жетекшілерімен бірге белгіленген аумақтарда
жұмыс істеп, көмектерін тигізді. Әр сынып өзіне
бекітілген аймақты тазалап, ретке келтірді.
Сондай-ақ сенбілік - мектептің эстетикалық
келбетіне оң әсер етіп қана қоймай, оқушылар
арасында тазалық сақтау дағдысын
қалыптастыруға көмектесті.
Сенбілікке ата-аналардың белсене қатысуы -
мектеп пен отбасы арасындағы ынтымақтастықтың
көрінісі болды. Бұл бірлескен еңбек балаларға үлгі
болып, өз ортасына жауапкершілікпен қарауға
үйретті.

«Жас Ұлан» ұйымының Ұланбасы сайлауы өтті

admin — Wed, 01 Oct 2025 10:53:12 +0600

«Жас Ұлан» ұйымының Ұланбасы сайлауы туралы

01 қазан 2025 жылы №205 жалпы білім беретін мектептің акт залында «Жас Ұлан» жастар ұйымының Ұланбасы сайлауы өтті.

Бұл шараға 9-сынып оқушыларынан жалпы 9 үміткер қатысты. Сайлауда дауыс беруге бұрынғы «Жас Ұлан» ұйымының ұланбасшысы, ұйым мүшелері және 10-сынып оқушылары қатысты.

Дауыстарды санау нәтижесінде ең көп дауыс жинаған 9 «Б» сынып оқушысы – Мамуржан Мадина «Жас Ұлан» ұйымының Ұланбасы болып сайланды.

Қалған үміткерлер ұйымның 7 бағытына бөлініп, жауапты қызметтерге тағайындалды.

Алдағы уақытта «Жас Ұлан» ұйымының жұмысына табыстар, белсенділік және шығармашылық жетістіктер тілей отырып, барлық қатысушыларды шын жүректен құттықтаймыз! 🌟

Мектеп парламентінің Президентін сайлауы өтті

admin — Tue, 30 Sep 2025 10:20:43 +0600

🏫 Мектеп парламенті Президентін сайлау туралы

30 қыркүйек 2025 жылы №205 жалпы білім беретін мектептің акт залында мектеп парламенті Президентін сайлау өтті.

Бұл маңызды шараға 10-сынып оқушыларынан 11 үміткер қатысып, өздерінің сайлауалды бағдарламаларын ұсынып, мектептің дамуы мен оқушылардың белсенділігін арттыруға бағытталған бастамаларымен бөлісті.

Сайлау барысында үміткерлердің бағдарламаларын мектептің бұрынғы парламент мүшелері, Президенті және 11-сынып оқушылары тыңдап, өз таңдауларын жасады.

Дауыстар нәтижесі бойынша ең көп дауыс жинаған 10 «Ә» сынып оқушысы – Ораз Бейбарыс мектеп парламентінің Президенті болып сайланды.
Оның орынбасары, вице-президент қызметіне 10 «В» сынып оқушысы – Дүйсенбек Алуа тағайындалды.

Қалған үміткерлер мектеп парламентінің белсенді мүшелігіне қабылданып, өз фракцияларына бөлінді.

Бұл сайлау – оқушылардың азаматтық жауапкершілігі мен көшбасшылық қабілеттерін арттыруға бағытталған маңызды қадам болды.
Алдағы уақытта жаңадан сайланған мектеп парламентіне сәттілік пен шығармашылық табыс, биік жетістіктер тілейміз! 🌟

Ата - аналар жиналысы

admin — Wed, 17 Sep 2025 11:55:44 +0600

📌 Ата-аналар жиналысы

Бүгін мектебімізде оқушылардың денсаулығын қорғау мақсатында адам папиллома вирусына (ВПЧ) қарсы вакцинация туралы ата-аналарға ақпараттық жиналыс өткізілді.

Жиналыста:
✔️ Вакцинацияның маңызы мен пайдасы түсіндірілді;
✔️ Дәрігер мамандар ата-аналардың сұрақтарына жауап берді;
✔️ Балалардың денсаулығын сақтауда ата-ана мен мектептің бірлескен жұмысы талқыланды.

👩‍👩‍👦 Балаларымыздың денсаулығы – болашағымыздың кепілі!

«Дені сау ұрпақ»

admin — Thu, 11 Sep 2025 11:39:01 +0600

📌 Бүгін мектебімізде «Дені сау ұрпақ» тақырыбында ата-аналарға арналған ақпараттық кездесу өтті.
Кездесу барысында балаларды ерте жастан дамыту жолдары мен денсаулықты сақтау шаралары талқыланды. Мамандар ата-аналарға пайдалы кеңестер беріп, салауатты өмір салтының бала болашағы үшін маңызына тоқталды.

👨‍👩‍👧‍👦 Шара ата-аналарға бағыт-бағдар беріп, баланың жан-жақты дамуына ықпал етті.

#ДеніСауҰрпақ #АтаАнаменКездесу #СалауаттыӨмір #МектепІсШарасы