«Білімім – Отаныма!» бірыңғай сынып сағаты
Мектепе 24 мамырда 9.00-де бірмезгілде «Білімім – Отаныма!» жалпыреспубликалық бірыңғай тәрбие сағаты 1-10 сыныптар үшін 2023-2024 оқу-жылын қорытындылау өткізілді.
2023-2024 оқу-жылының қорытындысында өткізілетін тәрбие сағатының мақсаты балаларды ұстаздарды құрметтеуге, білім ұясына қамқор болуға, білім алуға құштар болуға, жыл бойы алған білімінің нәтижесін қорытындылай білуге тәрбиелеу.
Тәрбие сағаты Әнұранмен басталады. ҚР Оқу-ағарту министрінің жалпыреспубликаның білім алушыларына құттықтау сөзін тыңдап, республика бойынша балаларының жетістіктері туралы видеоролик қойылды.
Сонымен қатар, алдын ала түсіріліп дайындалған әр сыныптың балаларының жыл бойы халықаралық, республикалық, облыстық, аудандық білім жетістіктері мен тәрбие тағылымы бойынша бір минуттық бейнеролик көрсетілді.
Іс-шараға ата-аналардың қатыстырылды. Әр оқушының жақсы қасиеті, үлгілі істері, ерлік көрсеткен тұстарына ерекше назар аударып, марапаттау болды.
Ал, 9, 11 сыныптың түлектері үшін «Мен. Мектеп. Ұстаз» тақырыбында мектеп қабырғасындағы балалық шақтан болашаққа қадамы туралы өз ойларын эссе жазды.
