«Күзгі бал - 2022» кеші өтті.

I тоқсан аяқталуға таяу қалды, оқушылар тоқсандық жиынтық бағалауларын жазып, күзгі демалысын асыға күтуде... Күз кереметі, күз мерекесі үлкенге де, кшіге де табиғаттың осы бір тамаша кезеңдері баршамызға белгілі, күз маусымында Жер ананың адам баласына ұсынар мол ырыс-несібесі диқандардың таңның атысы, күннің батысы тынбай еңбек етуінің арқасында қамбаға құйылады. Сондықтан да астық пісіп, оны шашпай-төкпей жинап алу ісі дәл осы күз айларында жүзеге асырылатындықтан, осы маусымға халқымыз «Алтын күз» деп айдар таққан.  «Алтын күз 2022» атты тақырыбында 8,9, 10 сыныптар арасында Күзгі бал өткізілді. «Күзгі балл» мектепішілік  кешінің  мақсаты:   Оқушылардың тапқырлығын, шеберлігін анықтау, сайысқа деген қызығушылығын арттыру. Ұйымшылдыққа, өз ойларын ортаға салып көрсете білуге  тәрбиелеу. Байқауда «Таныстыру», « сән үлгісі»,   және  өнер сайысы бөлімдері бойынша сынға түсті.  Мектепшілік өткізілген «Алтын күз» мерекесіне ұйымшылдықпен қатыса отырып күз-береке, күз-молшылдық, күз-шаттық, күз-қуаныш екенін оқушы санасына жеткізіп, өздеріне ерік бере отырып, ауызбіршілікке, ынтымақтастыққа баулу. Барлық сыныптар түгелдей қатыстырылып, өз өнерлерімен тәнтті етті. Байқауды қорытындылау үшін әділ қазылар алқасы болған музыка пәнінің мұғалімі Шұға Сапарбекқызы, мектептің тәрбие ісінің орынбасары Ж.Б. Амангельдинова және химия пәні мұғалімі М. Әбдірейім  қатысып, оқушылардың өнерлерін тамашалап, әділ бағаларын берді. Сайыста төрешілер бас жүлдені ерекше өнерімен тәнті еткен 9 «А» сыныбының оқушыларына беруді ұйғарды сынып жетекшісі Ж.Т. Молдахмед. І орынды 8 «Ә» сыныбы иеленді. ІІ орынды 10 «А»,10 «Б» сыныптары иеленсе,  ІІІ орынды  8 "А" 8 "В" 10 «Ә» сыныбына бұйырды. Сайысқа қатысқан барлық оқушылар ұйымдастырушылар тарапынан мақтау қағазымен марапатталды. Бұл мерекелік шараға қатысқан, әрбір сынып өз үлестерін қосып, ұйымшылдықпен өздерін көрсете білді. Байқау өз деңгейінде өтті.