«Тіл – достықтың алтын көпірі» атты поэзия сағаты
«Тіл – достықтың алтын көпірі» атты поэзия сағаты мазмұнды әрі әсерлі өтті. Іс-шара барысында өзге ұлт өкілдері ана тіліміздің құдіретін жырға қосып, қазақ ақындарының тіл туралы терең мағыналы өлеңдерін №205 ЖББ мектеп оқушылары мәнерлеп оқыды.
Поэзия сағатының негізгі мақсаты – мемлекеттік тілімізге деген құрметті арттыру, жастардың поэзияға және рухани құндылықтарға деген қызығушылығын ояту, тілдің қоғамдағы рөлін насихаттау болды.
Іс-шара барысында тіл жанашырлары мен ұстаздар өз ой-пікірлерін ортаға салып, тіл тағдыры мен дамуы туралы маңызды мәселелерді талқылады. Поэзия сағаты соңында белсенді қатысушылар марапатталып, қатысушылар мен көрермендерге көтеріңкі көңіл-күй сыйланды.
Іс-шараның негізгі мәні – тілдің халықтың жаны мен рухы екеніне назар аудару және оны құрметтеудің әрбір азаматтың парызы екенін жастарға түсіндіру болды.
