«Оқитын ата-ана, оқитын бала
Отбасында кітап оқу мәдениетін қалыптастыру және ата-аналардың оқу сауаттылығын арттыру мақсатында «Оқитын ата-ана, оқитын бала» тақырыбында ата-аналардың сауаттылығы сағаттары ұйымдастырылды.
Іс-шара барысында ата-аналарға балалардың оқу дағдыларын дамытудағы отбасының рөлі, үй жағдайында кітап оқуға ынталандыру жолдары және мәтінмен тиімді жұмыс жасау тәсілдері туралы түсіндірме жұмыстары жүргізілді. Сонымен қатар, ата-ана мен бала арасындағы бірлескен оқу тәжірибесінің маңызы атап өтілді.
Сауаттылық сағаттары ата-аналардың оқу процесіне белсенді қатысуына мүмкіндік беріп, балаға үлгі болу арқылы кітап оқуға деген қызығушылығын арттыруға бағытталды.
Қорытындысында, «Оқитын ата-ана, оқитын бала» бастамасы ата-аналар мен балалар арасындағы ынтымақтастықты нығайтып, оқу мәдениетін дамытуға оң әсерін тигізді.
