Наурыз-жыл басы

Наурыз – жыл басы, жаңару мен берекенің бастауы болып саналатын ұлы мереке. Осыған орай мектебімізде бастауыш сынып оқушыларының қатысуымен Наурыз мерекесі кең көлемде аталып өтті.

Мерекелік іс-шара барысында оқушылар ұлттық салт-дәстүрлерді насихаттап, олардың мән-маңызын көрсете білді. Атап айтқанда, бата беріліп, шашу шашылды. Сонымен қатар, оқушылар ұлттық киім киіп, қазақ халқының мәдениетін дәріптеді.

Іс-шарада күй тартылып, әндер айтылып, ұлттық өнер кеңінен көрініс тапты. Оқушылар өз өнерлерін көрсетіп, мерекенің көркін аша түсті. Бұл мереке балаларға ұлттық құндылықтарды дәріптеп, салт-дәстүрлерді құрметтеуге тәрбиелеуде үлкен маңызға ие болды.

Жалпы, өткізілген мерекелік іс-шара жоғары деңгейде ұйымдастырылып, өз мақсатына жетті.