Кәсіби бағдар

12 қаңтар күні мектебімізге Ақтөбе авиация институтының өкілдері келіп, 9–11 сынып оқушыларына кәсіби бағдар беру жұмыстарын жүргізді. Кездесу барысында институттағы мамандықтар, оқу бағдарламалары, оқу шарттары және қабылдау талаптары туралы кеңінен ақпарат берілді. Сонымен қатар авиация саласының ерекшеліктері мен болашақтағы мүмкіндіктері туралы айтылды.

Оқушылар өздерін қызықтырған сұрақтарын қойып, мамандардан толық жауап алды. Кездесу оқушыларға болашақ мамандық таңдауда бағыт-бағдар беріп, олардың авиация саласына деген қызығушылығын арттырды.